Худойқулов Бобомурод Абдунаимович

Дирижёрлар

Худойқулов Бобомурод Абдунаимович Бухоро шаҳрида, зиёли хизматчилар оиласида туғилган. 1996-2000 йилларда Бухоро санъат мусиқа билим юрти (ҳозирда Бухоро санъат коллежи) халқ чолғу асбоблари бўлимида қашқар рубоби ихтисослиги бўйича педагог Т.С. Икромовдан таҳсил олган. 2001 йилда Ўзбекистон Давлат консерваториясининг вокал-хор факультетига ўқишга кирди ва хор дирижёрлиги кафедраси талабаси бўлди. Профессор Н.С. Шарафиева синфида таҳсил олди. Иккинчи курсдан бошлаб бир вақтнинг ўзида опера-симфоник дирижёрлиги кафедрасида профессор В.Б. Неймернинг синфида таълим ола бошлади. 2006 йилда бакалавриатни иккита мутахассислик бўйича имтиёзли битирди ва А. Навоий номидаги ДАКТда П. Чайковскийнинг “Евгений Онегин” спектаклида дирижёрлик қилди. Шундан сўнг театрнинг стажёрлик театрига дирижёр ассистенти сифатида қабул қилинди, у ерда бош дирижёр, Ўзбекистонда хизмат кўрсатган санъат арбоби Фазлиддин Ёқубжонов унга раҳбарлик ва устозлик қилди. 2006- 2008 йилларда Ўзбекистон Давлат консерваторияси магистратурасида опера-симфоник дирижёрлиги мутахассислиги бўйича профессор В.Б. Неймер синфида таълим олди. Ж.Бизенинг «Кармен» операсида дирижёрлик қилди. 2009 йилдан А.Навоий номидаги ДАКТда дирижёр, меҳнат фаолияти давомида қуйидаги спектакллар – Ж. Пуччинининг «Флория Тоска» ва «Баттерфляй хоним», Г.Доницеттининг «Лючия ди Ламмермур», Р. Леонкаваллонинг «Паяцлар», шунингдек, ўзбек композиторларининг опералари – С.Юдаковнинг «Майсаранинг иши», Т. Жалилов ва Б.Бровцыннинг «Тоҳир ва Зуҳра» операларига дирижёрлик қилди. Кўпгина халқаро лойиҳаларда иштирок этган, жумладан, 2006 йилда Польша Мустақиллиги кунига бағишланган концерт ташкилотчиси ва мусиқий раҳбари бўлган; 2007 йилда Польшанинг Ўзбекистондаги элчихонаси кўмагида Анна Герман ижодига бағишланган концертга дирижёрлик қилган; 2007 йилда Украинанинг Ўзбекистондаги элчихонаси кўмагида Украина Мустақиллиги кунига бағишланган концертда иштирок этган. 2009 йилда Чимкент опера ва балет театрида П. Чайковскийнинг “Евгений Онегин” операси саҳналаштирилиши халқаро лойиҳасида иштирок этиб, унда спектаклнинг саҳналаштирувчи дирижёри бўлган. 2010 йилда Стефан Турчак номидаги симфоник дирижёрлар II халқаро танлови совриндори бўлган (III ўрин). 2011 йилда Урумчи (Хитой)даги Шинжон санъат институтида концертлар ўтказиш учун таклиф этилган. «Фахрий таклиф этилган профессор» дипломи билан тақдирланган. 2012-2015 йилларда Шинжон санъат институтида симфоник оркестрнинг бош дирижёри ва бадиий раҳбари сифатида фаолият кўрсатган. Шаҳар филармоник оркестри билан ҳам бир қатор концертлар ўтказган. 2015 йилдан А.Навоий номидаги ДАКТ дирижёри.

Шарҳлар

Нигора, Ташкент

1 июня 2016

Вчера были на гала-концерте. Просто нет слов! Восхитительно! Бобомурод Худайкулов- это чудо!Я в восторге!

Дирижёрлар

Худойқулов Бобомурод Абдунаимович

Шарҳлар

Галерея