Слоним Андрей Евсеевич

Саҳналаштирувчи режиссёр

Ўзбекистон Республикасида хизмат кўрсатган санъат арбоби

Слоним Андрей Евсеевич Тошкент шаҳрида туғилган. 1974 йилда А. Островский номли Тошкент Театр-рассомлик институтини тугатган. 45 дан ортиқ спектаклларни саҳналаштирган, улар орасида Ж. Вердининг «Травиата», Ж. Россинининг «Севилья сартароши», В.-А. Моцартнинг «Фигаронинг тўйи» ва «Сеҳрли флейта», Ж. Пуччинининг «Флория Тоска», «Баттерфляй хоним» ва «Джанни Скики», П. И. Чайковскийнинг «Пиковая дама» (Москва, Гнесинлар номидаги Мусиқий академия опера театр-студияси) ва «Евгений Онегин», М. П. Мусоргскийнинг «Борис Годунов», Н. Зокировнинг Шекспирнинг «Гамлет» ва «Макбет» трагедиялари асосида «Тахт сари йўл» (либретто муаллифи, саҳналаштирувчи, сценограф), С. Рахманиновнинг «Алеко», И. Стравинскийнинг «Мавра», Д. Шостаковичнинг «Антиформалистик жанннатча» ва кўплаб бошқа асарлар. 1990 йилдан А. Навоий номидаги ДАКТ саҳналаштирувчи режиссёри лавозимини эгаллаб турибди. «Спартак» (А. Навоий номидаги ДАКТ) ва «Дон Кихот» («Тойота - Сити Балет», Япония) балет спектакллари сценография ва либослар муаллифи. Театрлараро ва халқаро лойиҳалар иштирокчиси. Мусиқа ва шеъриятни ўзида мужассам этган кўпгина театрлаштирилган концертларнинг режиссёри ва иштирокчиси. Пушкиндан Пастернаккача бўлган поэтик лирика ижрочиси сифатида кўп ва фаол чиқишлар қилади. Поэтик ижодда ҳам сермаҳсул – унинг шеърлари республика журналлари, поэтик тўпламлар, альманахларда мунтазам чоп этиб борилади. «Истоки» адабий-ижодий бирлашмаси ҳамраиси ҳисобланади. Ўзбекистон немис маданий маркази қошидаги «Югендштерн» ёшлар театр-студияси ташкилотчиси ва бадиий раҳбари, унда қуйидаги спектакллар саҳналаштирилган: Гётенинг «Фауст», Г. Грасснинг «Ноябрь мамлакати», Шекспирнинг «Ўн иккинчи тун» ва А. Слонимнинг Гофман асарлари асосидаги «Гофманиана» композицияси. 2006 йилда “Ўзбекистонда хизмат кўрсатган маданият ходими” унвони берилган. 2016 йилда “Ўзбекистон Республикасида хизмат кўрсатган санъат арбоби” унвонига сазовор бўлган.

Шарҳлар

Александр Соколов, Москва

2 декабря 2010

Передаю большой привет Андрею Слониму.Мы учились вместе с ним в школах Ташкента и закончили 110-ую. Оттуда началась его творческая деятельность. Это были и фильмы, и спектакли. Нам было очень интересно жить. При первой возможности приехать в Ташкент навещу школьного друга. Желаю, Андрей. тебе всяческих успехов и здоровья. Напиши alex.tekton@rambler.ru Спасибо

Саҳналаштирувчи режиссёр