Меццо-сопрано


Юдина Анастасия


Юдина Анастасия


Мактабни битиргач 1991 – 1994 йилларда Ҳамза номидаги мусиқа билим юртиннг академик хонандалик бўлимида В.В. Шашкова синфида таҳсил олган. 1994 – 1999 йиларда Ўзбекистон Давлат Консерваториясининг академик хонандалик факультетида профессор М.Н. Ризаева синфида таҳлим олган. 2000 – 2002 йилларда ассистентурада ўқишларини давом эттирган. 1993 йилда мусиқа билим юртлари ўртасида ўтган Республика танловида совриндор бўлган. 1996 йили Ёш ижрочилар Республика танловида 1 ўрин совриндори бўлган. 1999 – 2001 йилларда А.Навоий номидаги Давлат Академик Катта Театрининг стажёрлик гурухида таълим олган.
2000 йилда Остона шаҳрида бўлиб ўтган “Шабт” халқаро танлови дипломанти. 2006 йилда Чимкент шаҳрида бўлиб ўтган халқар “Романсиада” танловининг дипломанти. 2001 йилдан Катта театрнинг опера труппасида ижодий фаолиятини бошлаган.
Ўтган йиллар мобайнида театр репертуаридаги бир қатор опера асарларидаги етакчи ва характерли партияларни ижро этиб келмоқда. Жумладан; Дж.Верди “Травиата”да - Флора “Риголетто”да – Маддалена ва Джованна, Г.Доницетти “Лючия ди Ламмермур”да – Алиса, П.Масканьи “Қишлоқ шарафи”да – Лола, Ш.Гуно “Фауст”да – Зибель, В.Моцарт “Фигаронинг тўйи”да – Керубино, П.Чайковский “Пиковая дама”да – Полина, “Евгений Онегин”да Ольга, Ларина, “Иоланта”да - Лаура, Р- Корсаков “Шоҳ қайлиғи”да – Любаша, Ж.Бизе “Кармен”да - Кармен, М.Ашрафий “Дилором”да Эрон гўзали, Дж.Пуччини “Мадам Баттерфляй”да - Сузуки, А.Гладков “Бременские музыканты”да - қароқчи аёл ва хоказолар.
А.Юдина театрдаги ижодий фаолиятидан ташқари республикамизнинг маънавий – маърифий хаётида фаол иштирок этиб келаётган ижодкорлардандир. Гастроль сафарлари, вилоятларда ўтказиб келинаётган концерт дастурлари, халқаро даражадаги концерт дастурларида, ижодий учрашувларда, ёшлар билан ўтадиган мавзули кечаларда ўз чиқишлари билан тингловчилар олқишига сазовор бўлиб келмоқда.
2015 йил театр биносининг тантанали очилиш маросимидаги концертда оммавий саҳналарда фаол иштирок этди.
Сўнгги йилларда театр ижодий жамоаси билан чет эллик опера санъати усталари иштирокида ташкил этилган кўплаб ижодий кечаларда, ҳамкорликдаги концерт дастурларида, “Тошкент баҳори” опера ва балет санъати фестивалиларининг доимий иштирокчисидир.

Шарҳлар

Birinchi bo'lib sharh qoldiring

Галерея

Театр кассаси: (+99871) 233-90-81, 232-19-48
Бош маъмур: (+99871) 233-33-36
Директорнинг томошабинлар бўйича ўринбосари: (+99871) 233-32-21
Театр манзили: 100029, Ўзбекистон, Тошкент ш., Зарафшон кўч., 28
Тел./факс: (+99871) 233-35-28, E-mail: info@gabt.uz, gabtuzb@mail.ru

Facebook: https://www.facebook.com/gabtnavoi/
Telegram: https://t.me/gabtuzb
Instagram: https://instagram.com/gabt.uz