Юсупова Феруза

Меццо-сопрано

Феруза Юсупова Тошкентда туғилган. 1998 й. мусиқа ва умумтаълим мактабларини тугатгач, Ю. Ражабий номли мусиқа-педагогика билим юртига қабул қилинган. 2002 й. Ўзбекистон Давлат консерваториясининг академик қўшиқ факультетига, Ўзбекистонда хизмат кўрсатган артист, доцент Ольга Алексеевна Александрова синфига қабул қилинган. Консерватория қошидаги опера студиясида Майсара («Майсаранинг иши», С. Юдаков), Кекса онахон («Джанни Скикки», Ж. Пуччини), Ларина, Ольга ва Энага («Евгений Онегин», П.И. Чайковский) партияларини ижро этган. 2005 й. Галина Вишнёвскаянинг Опера қўшиқларини куйлаш марказида маҳорат дарсларини ўтаган. Ўша йили ихтисослиги бўйича Қозон консерваториясида амалиёт ўтаб қайтган. 2006 й. Тошкентда консерваторияни тугатгач, таълимни магистратурада, Ўзбекистон Давлат консерваторияси доценти Галина Викторовна Ерошина синфида давом эттирди. 2006 й. А. Навоий номидаги Давлат Академик Катта Театри стажёрлик гуруҳига қабул қилинган ва П.И. Чайковскийнинг «Евгений Онегин» операсида Энага партияси билан дебют ижро этган. 2009 й. магистратурани тугатиб, Тошкентда Н. Аҳмедова номли Халқаро танлов III мукофоти совриндори бўлди. 2012 йилдан – Марк Вайлнинг «Илҳом» театри актрисаси. 2013 й. Линц шаҳрида ўтказилган “Competizione dell’Opera” Халқаро танловида иштирок этган. 2014 й. М. Михайлов номли халқаро танлов III мукофоти совриндори бўлди (Калуга ш., Россия). 2015 й. Римский-Корсаков номли халқаро танлов дипломини олди (Тихвин ш., Россия). Репертуари: Маддалена, Джованна («Риголетто», Ж. Верди) Кармен («Кармен», Ж. Бизе) Кэт Пинкертон («Баттерфляй хоним», Ж. Пуччини) Лючия («Қишлоқ шарафи», П. Масканьи) Энага («Евгений Онегин», П.И. Чайковский) Лаура («Иоланта», П.И. Чайковский) Петровна («Шоҳ келинчаги», Н.А. Римский-Корсаков) Майсара («Майсаранинг иши», С. Юдаков) Моҳим («Тоҳир ва Зуҳра», Т. Жалилов - Б. Бровцын) Муштарий ва Миррих («Севгим осмони», М. Бафоев) Атаман аёл («Бременлик мусиқачилар», Гладков)

Шарҳлар

Birinchi bo'lib sharh qoldiring

Меццо-сопрано

Юсупова Феруза

Шарҳлар

Галерея