Екатеринбург Давлат Академик опера ва балет театри гастроллари

2010 йил 17 ноябрдан 21 ноябрга қадар Екатеринбург Давлат Академик опера ва балет театри гастроллари бўлиб ўтди



17, 18 ноябрь, П.Чайковский, «Оққуш кўли», 19:00
Одетта-Одиллия – «Триумф» Ёшлар мукофоти совриндори Елена КАБАНОВА ва Россияда хизмат кўрсатган артист Маргарита РУДИНА.
Шаҳзода Зигфрид – Виктор МЕХАНОШИН ва Россияда хизмат кўрсатган артист Алексей НАСАДОВИЧ.

20, 21 ноябрь, А.Адан, «Жизель», 19:00
Жизель – Бошқирдистонда хизмат кўрсатган артист Алия МУРАТОВА ва Елена КАБАНОВА.
Альберт – Никита МОСКАЛЕЦ ва Виктор МЕХАНОШИН.


Екатеринбург давлат академик опера ва балет театри – Росиянинг қадимий опера театрларидан бири бўлиб, Россия ва жаҳон мусиқа маданияти анъаналари ташувчиларидандир. 2012 йилда театр бутун тарихи давомида энг аҳамиятли сана – ташкил этилганлигининг юз йиллигини нишонлайди.
Театр репертуаридан жаҳон опера ва балет классикаси дурдоналари ва ҳозирги замон композиторларининг асарлари доимий ўрин олган: В.А.Моцарт, Р.Вагнер, Ж.Верди, Ж.Пуччини, Ж.Россини, П.Чайковский, А.Бородин, Н.Римский-Корсаков, М.Мусоргский, С.Прокофьев, Д.Шостакович, Р.Шчедрин, А.Петров ва бошқалар шулар жумласидандир.
Екатеринбург опера ва балет театри, авваламбор, труппада истеъдодли мусиқачилар ҳамда ижрочилар доим мавжудлиги боис Россиядаги энг зўр театрлардан бири сифатида довруқ ва шуҳрат қозонган. Екатеринбургда хонандалардан С.Лемешев, И.Козловский, ака-ука Пироговлар ўз ижодий қадамларини бошлаганлар. Бу ерда ҳар вақт машҳур усталар: опера солистлари И.Архипова, Б.Штоколов, Ю.Гуляев, Е.Алтухова, В.Огновенко, Г.Горчакова, Е.Вознесенская, дирижёрлар К.Тихонов («Геликон-опера» асосчиларидан бири) ва Е.Колобов («Янги опера» асосчиси), режиссёр А.Титель (К.С.Станиславский ва Вл.И.Немирович-Данченко номидаги Москва мусиқа театри операси бош режиссёри ва бадиий раҳбари) ва кўплаб бошқа истеъдодлар иш олиб борганлар...
Юқори бадиий савиядаги янги спектаклларнинг яратилиши ва намойиш этилиши Екатеринбург опера ва балет театрига бу анъаналарни ҳозирги замонда ҳам давом эттиришда қўл келмоқда. Сўнгги йилларда Екатеринбург опера ва балет театри ўз олдига турли-туман ижодий вазифаларни қўя билиши ҳамда сифатли натижаларга эришиши мумкинлигини исбот эта олди. Сўнгги театр премьералари орасида Н.А.Римский-Корсаковнинг «Қорқиз», Ж.Вердининг «Травиата» , А.Аданнинг «Корсар», Ж.Пуччинининг «Тоска», М.П.Мусоргскийнинг «Хованшчина» халқ мусиқий драмаси, Ж.Пуччинининг «Баттерфлай хоним», С.Прокофьевнинг «Тош гул», П.Чайковскийнинг «Пиковая дама», А.Аданнинг «Жизель», В.А.Моцартнинг «Фигаронинг уйланиши», П.Булбул ўғлининг «Муҳаббат ва ўлим», Н.Римский-Корсаковнинг «Шоҳ келинчаги», Э.Хумпердинкнинг «Гензель ва Гретель», Ж.Пуччинининг «Богема», П.И.Чайковскийнинг «Оққуш кўли», В.А.Моцартнинг«Дон Жуан» каби асарлари бор.
Театр жамоасининг гастроль чиқишлари доим труппанинг профессионализми, ижодий ютуқлар ва муваффақиятларни намойиш этиш имкониятини назардан ўтказиб олиш вазифасини ўтаган. Екатеринбург опера ва балет театри етакчи театр майдонларида гастроллар ўтказади ва фақат машҳур жаҳон агентликлари билан ҳамкорлик қилади.
Бугунги кунда Екатеринбург опера ва балет театри – турли-туман ижодий вазифаларни ҳал эта оладиган опера ва балет труппаси демакдир.
Екатеринбург балети кўламдор репертуарга эга бўлиб, бугунги кунда бу ерда, айниқса Россиянинг пойтахтдан ташқаридаги театрлари билан солиштирилганда, балет классикасининг энг бой ва хилма-хил коллекцияларидан бири тўпланган. Сўнгги вақтларда А.Аданнинг «Корсар» (саҳналаштирувчи балетмейстер – Жан-Гийом Бар, Франция), С.Прокофьевнинг  «Тош гул» (саҳналаштирувчи балетмейстер – Россия халқ артисти Андрей Петров, Москва), А.Аданнинг «Жизель»  (саҳналаштирувчи балетмейстер – СССР халқ артисти, СССР Давлат мукофоти совриндори Людмила Семеняка), П.Булбул ўғлининг «Севги ва Ўлим» (саҳналаштирувчи балетмейстер – Россияда хизмат кўрсатган санъат арбоби Надежда Малыгина), П.Чайковскийнинг «Оққуш кўли» (саҳналаштирувчи балетмейстер – СССР халқ артисти, СССР Давлат мукофоти совриндори Людмила Семеняка) каби шоҳ асарлар саҳналаштирилди.
80-йиллар ўрталаридан бошлаб балет труппаси мунтазам равишда хорижга ижодий сафарлар уюштиради, екатеринбурглик балет артистларини олқишлаган мамлакатлар орасида Франция, Норвегия, Дания, Япония, Ҳиндистон, Мексика, Чили, Корея, Австралия, Италия кабилар бор.


Екатеринбург Давлат Академик опера ва балет театри балет труппаси ҳамда А.Навоий номидаги ДАКТ симфоник оркестри – ҳамкорликдаги лойиҳа.

2010 йил 23 ноябрь

23 ноября 2010