Taklif etilgan mehmonlar

Ижодий фаолияти давомида кўплаб танловларда иштирок этиб, фахрли ўринларга сазовор бўлди. Жумладан, 2006 йил Германиянинг Мюнхен шаҳрида бўлиб ўтган “EMCY Art for music Prize” халқаро танловида 2-ўрин, 2004 йил Астана шаҳрида бўлиб ўтган “Шабыт” номли Халқаро танловда 2-ўрин, 2007 йил ушбу танловда фахрли Гран-при соҳиби бўлди. 2007 йил ИспаниянингВаленсия шаҳрида бўлиб ўтган “Жаҳон Ёш Оркестри” ёзги сессиясида зарбли чолғу ижрочиси сифатида иштирок этди. 2009 йил Хитой Халқ Республикасида ўтказилган Шанхай “Жаҳон Ёш Оркестри” қишки сессиясида зарбли чолғу ижрочиси сифатида иштирок этди. 2011 йил Бишкек шаҳрида бўлиб ўтган “Джаз-Весна-Бишкек” Халқаро джаз фестивалида бош соврин Гран-прини қўлга киритди. 2012 йил Россия Федерациясининг Москва шаҳрида ўтказилган XXXIII-Замонавий мусиқа халқаро фестивалда, 2016 йил Тошкент шаҳрида ўтказилган “Олтин куз” халқаро мусиқа фестивалида фаол иштирок этди.

А.Кабдурахманов 2015 йилдан бошлаб созандалик вазифаси билан бир қаторда Миллий симфоник оркестрининг концерт дастурларини дирижер сифатида муваффақият билан томошабинларга намойиш этиб келмоқда. Унинг дирижерлигида тақдим этилган концерт дастурларида Ғарбий Европа классик композиторлари Л.Бетховеннинг монументал симфоник асарлари, фортепиано ва оркестр учун 5 концерт туркуми, В.Моцартнинг оркестр, хор ва солистлар ижросида тайёрланган “Реквием”, Ф.Шопеннинг  фортепиано ва оркестр учун 2 та концерти, Дж.Вердининг операларидан парчалар, увертюра, “Реквием”, замонавий  ХХ аср композиторлари И.Стравинский, С.Прокофьев, А.Шастаковичларнинг симфоник асарлари, ўзбек композиторлари М.Тожиев, М.Бафоев, Х.Рахимовларнинг оркестр учун яратган асарларининг томошабинлар томонидан юқори баҳоланишига созанда ва дирижернинг тинимсиз ижодий меҳнати туфайли эришилганини билдиради. 

2018 йил апрель ойида Миллий симфоник оркестри ташкил этилганлигининг
80 йиллиги муносабати билан Ўзбекистон анжуманлар саройида ўтказилган тантанада, шу йили Миллий симфоник оркестри ҳамда Давлат хор капелласи ҳамкорлигида Интерконтинентал меҳмонхонасида юртимизга ташриф буюрган хориж делегацияси учун ташкиллаштирилган концерт дастурида дирижер сифатида фаол иштирок этди.

А.Кабдурахманов меҳнат фаолияти давомида, кўплаб давлат тадбирлари ва байрамларда, хусусан, Мустақиллик, “Наврўз” умумхалқ байрамлари, Шанхай Хамкорлик Ташкилотига аъзо давлатлари раҳбарларининг учрашуви, “8 март - Хотин-қизлар куни”, Конституция қабул қилинган кун, “Ёшлик баҳори-2014” фестивали, “Competizione dell’ Opera 2014” Халқаро ёш опера ижрочилари танловида фаол иштирок этди. Республикамизнинг барча вилоятларига уюштирилган гастроль сафарларида ҳозирги замон ва мумтоз мусиқа санъатини тарғибот қилишда ҳиссасини қўшиб келмоқда.

18 апреля 2022